Македонскиот премиер Диомитар Ковачевски го обвини Димитар апасиев дека е кочничар на европскиот пат на државава, а Христијан Мицкоски дека е негов заложник попради тоа што е „слаб, без став и без визија“.
„Откако го почнавме скринингот-процесот и почна дискусијата за уставни измени, многу размислував и дојдов до заклучок дека вистинската опасност за европскиот пат на нашата држава доаѓа од една политичка партија, која во својата програма е против членството во ЕУ, НАТО, против Берлинскиот процес и Отворен Балкан. Тоа се партијата Левица и нејзиниот лидер Димитар Апасиев. Уште поголема опасност е тоа што тој во заложништво го зема претседателот на ВМРО-ДПМНЕ, затоа што тој е слаб, без став и без визија. Таков човек без став и без одлучност може да биде земен во заложништво и тоа се случува во моментов во македонската опозиција. И сметам дека на таков политички пироман не смее да му се дозволи да го прекине европскиот пат на нашата земја“, изјави Ковачевски одговарајќи на новинарски прашања за уставните измени за време на заедничката прес-конференција со својот албански колега Еди Рама, кој се наоѓа во посета ан земјава.
