Италијанската модна дизајнерка Сабрина Персекино претстави модел на капут специјално наменет за заштита од COVID-19.
Вашиот стил нема да мора да страда оваа зимска сезона со овој модел на капут чиј составен дел е проѕирен визир.
Целта на визирот е да може да се движите и да комуницирате со луѓето без да носите маска, секако повторно на безбедна дистанца.
Персекино ја претстави својата креација во Рим. Капутот се состои од три слоја: надворешен од материјал што не пропушта вода, среден од филтрирачка ткаенина против вирусни агенси и внатрешен дел.
Капутот наречен „колиба“ (The Hut) е достапен во женска и машка варијанта и различни бои.
„Целта ни е да ја надминеме социјалната дистанца. Проѕирниот визир има два филтри и овозможува да ви читаат луѓето од усни, бидејќи не мора да носите маска. Моделот ќе биде нослив и во не-КОВИД услови во иднина“, вели дизајнерката Персекино.
