И, иако нема „добри“ симптоми на коронавирусот SARS-CoV-2, некои секако се полоши од другите.
Додека научниците откриваат сè повеќе за овој мистериозен вирус, станува сè појасно дека ако имате одредени симптоми, болеста COVID-19 кај вас може да се развие поинаку.
Една неодамнешна студија, која сè уште нема добиено независни критики, покажа дека два симптома на коронавирус може да доведат до поголема шанса за хоспитализација кај оние кои страдаат од т.н. „долгорочен“ КОВИД, иако можеби не изгледаат полоши од другите. Овие симптоми се долготрајна висока температура и губење на апетитот.
Тимот истражувачи користеа апликација преку која собраа податоци од повеќе од 4.100 пациенти кои го „прележаа“ коронавирусот и открија дека околу 13 проценти од пациентите страдале од т.н. „долгорочен“ КОВИД, кој трае подолго од 28 дена.
Дополнителни 20 проценти биле болни повеќе од осум недели и еден од 50 пациенти боледувале повеќе од 12 недели. Од оние пациенти кои имале долгорочен КОВИД, оние кои имале пет или повеќе симптоми во текот на првата недела од болеста, имаат поголема веројатност да боледуваат подолго. Сепак, дури и меѓу нив, два симптома се истакнувале.
„Кај оние лица кои страдале од долгорочен КОВИД, долготрајната висока температура и губење на апетит биле силни индикации дека некое лице можеби треба да оди во болница“, се објаснува во студијата.
Ова значи дека, меѓу оние кои страдале од т.н. на долгорочен КОВИД, луѓето со овие два симптома биле најсилно погодени. Студијата предупредува дека не смееме да генерализираме врз основа на оваа анализа и ги посочува нашите сопствени ограничувања - особено фактот дека испитаниците, т.е. оние чиишто податоци беа собрани беа претежно жени, на возраст под 70 години, кои самите ги пријавиле своите податоци.