Козјак - убавина и срам

Скопје, 25 април 2018 (МИА) -  Прекрасна природа, живописен и недопрен предел што остава без здив, но и теписи од пластика, шишиња и отпад.  Тоа е жалниот контраст на езерото Козјак што го затекнуваат посетителите на езерото Козајак, најголемата вештачка акумулација во Македонија.

Преку 150 совесни граѓани изминатиот викенд на Светскиот ден на планетата Земја со еколошка акција се обидоа да ја сменат грдата слика на Козјак.

Новинарска и фоторепортерска екипа на МИА учествуваше во акцијата на Министерството за животна средина и просторно планирање кое заедно со повеќе граѓански здруженија ја чистеа акумулацијата од пластика.

До туристичката населба Близанско на брегот на Козјак каде што започна акцијата стигнавме преку патот за Драчево, каде свртевме десно кон Маркова Сушица, а продолживме преку Нова Брзеници за патот кон Јасен. Од тука патот е со режим на движење. Од Скопје до Македонски Брод можете да поминете од 6:30 до 9 часот и од 16 до 18 часот, а за назад од 5 до 6 часот и од 18:30 до 20 часот. Патот е тесен и може да помине само едно возило. Нашата екипа пристигна за час и половина до местото каде се одвиваше еко акцијата.

Природата низ која поминавме, живописниот предел нѐ оставаа без здив. Недопрениот предел кој со години беше забранет за обичните посетители сега имавме можност да го видиме. Си поставиме прашање, зарем дозволивме и овде да се организираат акции за чистење во која природа само неколку години е дозволен пристапот?

Кога пристигнавме во близина на езерото симнувајќи се од сртот на Јасен забележавме дека заливите на акумулацијата,  беа запоседнати од рибари. Тие се чести посетители. Езерото има богат рибен свет. Тука се среќаваат кленот, крапот, виножитната и поточната пастрмка, мрената, боцкалката, попадиката, вардарката и скобустот.

Глетката на брегот пред туристичката населба Бежанско, беше жалосна. По цела должина беше прекриен со пластични шишиња кои според мештаните се дело на несовесните рибари кои доаѓаат преку целата година.

Во акцијата за чистење на езерото се приклучи и чешкиот амбасадор во Македонија Хенри Маркуш кој забележа дека Македонија е прекрасна земја, но и дека тој ден ја видел и другата страна на нашата држава. Рече дека ситуацијата е алармантна и дека треба да проработи совеста на секој жител за почиста животна средина.

Кајакарите, нуркачите и останатите граѓани ги наполнија вреќите со пластика и ги предадоа на комуналното претпријатие од Македонски Брод кое исто така ја помогна акцијата. Се надишавме чист воздух и тргнавме назад кон урбаната џунгла која во споредба со расфрланата пластика и не е многу различна. Сепак, природата која таму ја видовме и катастрофата која ја затекнавме не нѐ оставија рамнодушни да си го сочуваме чувството само за себе.

Езерото Козјак кое е создадено пред 14 години е оддалечено од главниот град на 50 километри. Сместено помеѓу планината Сува Гора и резерватот „Јасен“. Долго е 32 километри, а максималната широчина е 400 метри. Достигнува длабочина наместа и до 130 метри. Податоците кои ги најдовме за езерото покажуваат дека тоа се наоѓа на идеална надморска височина од неполни 300 метри. Основата на браната е 500 метри, а круната или врвот 310 метри. Водите на реката Треска кои го напојуваат езерото, се вбројуваат меѓу најчистите води на Балканот. Езерото акумулира 570 милиони метри кубни вода. Функционалноста на Акумулацијата е таканарачениот воден лифт со кој се регулира водостојот на водата во езерото, а пак благодарение на кој заканите од поплави на Скопје, предизвикани од нестабилноста на водите на Треска, сега се веќе минато. Се смета дека Козјак ќе обезбедува вода за пиење и индустриска вода во наредни 100 години.

Борис Куноски

Фото: Фросина Насковиќ

реклама

Голем месечен хороскоп за април 2024: Ретрограден Меркур им ги мрси конците на неколку знаци

Read more

Како е поврзано пиењето кафе со ракот на дебело црево?

Read more

Се степале вработени во болница во Карпош

Read more

Едноставен и брз метод: Белите патики повторно ќе изгледаат како нови

Read more

Македонија

ВМРО-ДПМНЕ: Растот на платите со кои се фали Битиќи е лага, платите се стопија со порастот на трошоците на живот

Read more

Села оди во коалиција со Ахмети

Read more

Македонија треба да ѝ врати 2,2 милиона евра на Европската комисија - биле злоупотребени преку Еразмус+

Read more

Апасиев: НАТО не носи демократија, НАТО е кршач на меѓународното право и Повелбата на Обединетите нации

Read more
 

Вести

Госпоѓиците од Авињон на сцената на Националната опера и балет

Читај повеќе

ВМРО-ДПМНЕ: Растот на платите со кои се фали Битиќи е лага, платите се стопија со порастот на трошоците на живот

Читај повеќе

Села оди во коалиција со Ахмети

Читај повеќе

Македонија треба да ѝ врати 2,2 милиона евра на Европската комисија - биле злоупотребени преку Еразмус+

Читај повеќе

Хоспитализирана 71-годишна скопјанка, jа нападнале две лица

Читај повеќе
  • play_arrow

Апасиев: НАТО не носи демократија, НАТО е кршач на меѓународното право и Повелбата на Обединетите нации

Читај повеќе

Во Франција за Велигден ќе биде распоредена полиција пред секоја црква

Читај повеќе

Расправија за паркинг во Аеродром прераснала во голема тепачка

Читај повеќе

Се степале вработени во болница во Карпош

Читај повеќе