Новото истражување спроведено во САД вели дека жените во текот на животот трошат дури 225.360 долари на козметички производи и услуги.
Ние ви препорачуваме како сами да направите природни производи за да изгледате одлично, но и да заштедите пари.
Природен избелувач за заби
Секој сака да има бели заби, а многу луѓе користат најразлични производи за да го постигнат тоа. Сода бикарбона докажано ги избелува забите, а може да направите паста во домашни услови.
Потребни ви се 1 лажица сода бикарбона и вода.
Промешајте ја содата со вода за да добиете паста. Нанесете ја смесата на забите. Почекајте 1-2 минути и измијте ги забите.
Домашен восок за депилација
Шеќерната паста е најдобар начин за да се ослободите од несаканите влакна по телото
Потребни состојки:
2 и пол шолји шеќер
Половина шолја сок од лимон
2 шолји вода
Измешајте ги сите состојки и гответе 8-10 минути додека смесата да добие златеста боја. Оставете да се излади. Чувајте го восокот во фрижидер и извадете го кога сте спремни за депилација.
Домашен балсам за усни
Обидете се сами да направите балсам за усни. Потребни ви се 2 лажици желатин од малина, 2 лажици кокосово масло, 3 капки есенцијално масло од лимон.
Загрејте го кокосовото масло во микробранова околу 20 секунди, па додајте го миксот од желатин од малина и измешајте. Вратете ја смесата во микробранова додека да се истопи желатинот, а потоа додајте етерично масло од лимон и измешајте. Оставете во фрижидер за да се стегне.
Природен шампон за суво миење на косата
Потребни состојки:
2 и пол лажици скроб од пченка
3-4 капки есенцијално масло (лаванда или по избор)
Промешајте ги состојките и нанесете на косата. Оставете 5 минути а вишокот отстранете го со четка.
