Џејсон Момоа и Лиса Бонет се разделија по 16 години минати заедно. Славниот пар веста ја потврди на социјалните мрежи.
„Сите го почувствуваме притисокот и промените на овие трансформациски времиња. Револуцијата се одвива и нашето семејство не е исклучок. Се чувствуваше и растеше поради сеизмичките промени кои се случуваат. И, така одлучивме да ја споделиме веста дека се разминуваме во бракот“, стои во изјавата.
Момоа и Бенет во брак беа четири години, а заедно минаа 16 години.
„Не ја споделуваме оваа вест бидејќи мислиме дека е вредно за објава во вестите, туку за да може достоинствено и чесно да продолжиме со нашите животи“, се додава во објавата.
Парот се запозна во џез клуб во 2005 година, пред Момоа да стане славен по улогата на Кал Дрого во серијата „Game of Thrones“. Бонет се прослави по улогата на Денис Хакстбл во хит серијата од 80-тите „The Cosby Show“, а од Момоа е постара 12 години.
Првото заедничко дете, ќерката Лола ја добија во 2007 година. Една година подоцна беше роден синот Накоа Волф.
Момоа, заедно со Бонет, ја одгледа и нејзината ќерка од бракот со Лени Кравиц, Зои Кравиц.