Поради големиот интерес за франшизата и одличните суми кои ги заработија на боксофисот првите два дела, „Kingsman“ сега добива и трет дел. Официјалниот датум за премиерата на „Kingsman 3“ доаѓа со најава дека тоа ќе биде последниот дел од франшизата.
Метју Вон се враќа на режисерското столче во франшизата „Kingsman“, овојпат за последен пат, за да го режира третиот дел од оваа акциона комедија.
Добро познатата актерска екипа се враќа уште еднаш, на нова авантура која ќе стави крај на трилогијата. Хери Харт (Колин Фирт) и Егзи (Тарон Еџертон) се враќаат во костумите за една последна заедничка мисија, која ќе стави јаготка на шлагот на оваа светски прифатена акциона франшиза.
Премиерата на „Kingsman 3“ е закажана за 8 ноември 2019 година, а филмот ќе биде напишан и режиран од страна на Метју Вон, кој беше одговорен и за претходните два дела. Означете го датумот на вашиот календар и не заборавајте дека освен „Kingsman 3“, за истиот датум е закажана и премиерата на долгометражниот филм „Sonic the Hedgehog“.
Љубителите на „Kingsman“ не треба да се плашат поради тоа што франшизата завршува со третиот дел, бидејќи во иднина треба да пристигнат уште „Kingsman: The Great Game“ - prequel на оригиналната франшиза), осумчасовна „Kingsman“ ТВ екранизација која ќе биде поделена во десетина епизоди и „Statesman“ - долгометражен филм со Ченинг Тејтум, Хали Бери и Џеф Бриџис во главните улоги кој ќе ја прикаже работата на американските „костумисани“ агенти.