Производството на Mazda CX-3 за европскиот пазар ќе заврши во декември.
Во мај Mazda се збогува од моделот CX-3 во САД, а сега пристигнува веста дека најмалиот кросовер ќе престане да се произведува и во Европа.
Информацијата ја објави полското списание Auto catalog, наведувајќи го како извор шефот на одделението за односи со јавноста на Mazda, Полан кој на потенцијалните купувачи на овој автомобил на Стариот континент им порача да побрзаат бидејќи CX-3 ќе биде укинат до крајот на годината.
Истиот извор прецизира дека производството на Mazda CX-3 во Европа ќе заврши во декември. Тоа не значи дека CX-3 ќе биде целосно укинат бидејќи во светот има и други пазари на кои Mazda го продава својот мал кросовер. Овој модел неодамна беше освежен во Јапонија и го доби своето специјално издание наречено Super Edgy.
Не е познато што планираат за CX-3 со оглед на новата стратегија и најавата за неколку нови SUV модели за американскиот и европскиот пазар.
