Играната верзија на омилениот анимиран филм од 90-тите „The Lion King“ на Disney го освои северноамериканскиот бокс-офис овој викенд со заработка од рекордни 185 милиони долари за месец јули.
Со оваа победа, новиот крал на бокс-офисот го надмина рекордот што претходно го држеше „Harry Potter and the Deathly Hallows - Part 2“ од 169,1 милиони долари.
Филмот дебитираше на 4.725 локации и исто така постигна рекордна гледаност во првиот викенд за филм со PG ознака.
На интернационално ниво, „The Lion King“ додаде уште 269 милиони долари, па контото сега изнесува вкупно 531 милиони долари.
По две недели на врвот, „Sony's Spider-Man: Far from Home“ заврши на второ место со заработка од околу 21 милиони долари овој викенд, со што вкупната заработка досега изнесува 320 милиони долари.
„Toy Story 4“ на Disney и Pixar е на трето место со викенд заработка од 14,6 милиони долари. Вкупната заработка на анимираниот филм досега на киноблагајните е речиси 860 милиони.
Следниот викенд се очекува кинопремиерата на најновиот филм на Квентин Тарантино „Once Upon a Time in Hollywood“ што ќе се прикажува на над 3.500 локации низ Северна Америка.
Бокс-офисот за изминатиот викенд во САД и Северна Америка изгледаше вака: