Живот

Кралица на народот: Убавата Летиција рециклира модни комбинации

12. јуни 2019 - 15:18 | А.С.

Шпанската кралица Летиција (46) се појави на настан облечена во модна комбинација што веќе ја има носено, покажувајќи дека и славните личности знаат да бидат штедливи кога е облеката во прашање и не мора да се водат по застареното „правило“ дека „не смеат да бидат видени“ два пати во истата облека.

Облечена во црвено од глава до пети, Летиција изгледаше елегантно во класичен џемпер со копчиња на ракавите и панталони со висок струк и широк појас на Hugo Boss, во комбинација со црвени салонки и дијамантски обетки.

Оваа комбинација кралицата ја избра за свеченото затворање на Семинарот за новинари во Бурго де Осма, настан што е многу близок за Летиција која пред да стане дел од кралското семејство беше успешна новинарка.

Кралицата Летиција ја почна врската со кралот Фелипе во ноември 2002 година и во 2003 година, набрзо откако беше унапредена на позицијата уредничка на националниот ТВ-дневник, таа даде отказ и веднаш беше соопштена кралската свршувачка.

Филипе (50) го наследи кралскиот престол во 2014 година. Кралската двојка има две деца – принцезите Ленор (13) и Софија (11).

Летиција нема кралско потекло - таа е внука на такси возач и најстарата ќерка на новинарот Хесус Хозе Ортиз Алварез и неговата прва сопруга Марија де ла Палома Рокасолано, медицинска сестра и синдикален претставник. Учела во јавно средно училиште и е магистер за Аудиовизуелно новинарство.

Поради нејзиното „обично“ потекло, но и нејзината непосредност, скромност и приземјеност често ја нарекуваат „кралица на народот“.

Коментирај