Ветеранката на израелските одбранбени сили и самопрогласената кралица на оружјето, Џули Орин вели дека е љубоморна на американските закони за оружје, бидејќи тие закони во нејзината земја се многу строги.
Џули за Daily Caller вели дека САД имаат најдобри закони за оружје и признава дека е фрустрирана што покрај повеќегодишното активно служење не може легално да поседува огнено оружје како цивил во Израел.
Таа стана популарна на социјалните мрежи откако почна да објавува фотографии со оружје. Како резултат на тоа доби бројни понуди од произведувачи на оружје кои сакаат токму таа да ги промовира нивните производи,
„Донесов нешто посебно на социјалните мрежи, не се ни костими за капење ни бикини туку тоа сум јас, мојата женственост и оружјето. Жените можат да прават што сакаат, кога сакаат и колку сакаат, во војска или на било кое друго место“, вели Џули.
На неколку видеа на Instagram таа ги покажува нејзините вештини со оружје. Го сака оружјето, но го сака и Доналд Трамп, а ги критикува противниците кои го нарекуваат антисемит.
„Неговата ќерка е Еврејка, исто како и неговиот зет. Амбасадата ја пресели во Ерусалим. Барак Обама не го сакаше Израел, но Доналд Трамп нè поддржува“, вели Џули.
