Британската кралица Елизабета Втора денеска полни 95 години, но оваа година за првпат по 75 години ќе го одбележи роденденот без сопругот, принцот Филип, кој неодамна почина.
Исто така, втора година по ред нејзиниот роденден ќе мине без традиционалната воена парада поради пандемијата. Кралицата овој роденден ќе го одбележи во присуство на мал број членови од семејството и нема да биде објавен традиционалниот портрет на кралското семејство.
Нема да има ниту јунска прослава на роденденот, официјална прослава позната како „Trooping the Colour“, со која од 1748 години официјално се слави роденденот на британските владетели.
Како што е познато, во наредните недели кралицата нема да ги врши ниту кралските должности, иако работи од дома и лично одговара на пораките на светските лидери кои изразија сочувство по повод смртта на принцот Филип.
Бракот со грчкиот принц Филип не беше најдобро прифатен во Бакингемската палата, а најголеми противници за венчавката биле нејзините мајка и баба. Кратко време по венчавката, Елизабета и Филип се преселиле на Малта, каде Филип бил стациониран.
Крунисувањето на Елизабета Втора е најпопуларниот настан во 20 век, повеќе од 100 милиони луѓе го слушале преносот на радио, а 27 милиони го следеле преку телевизија на каналот BBC.