Хамилтон и Фетел се последните возачи кои се согласија на кратење на платите за да им помогнат на своите тимови да ја предводат финансиската криза.
Ниту светот на Формула 1 не е имун на кризата зададена од пандемијата со коронавирусот. Осум од 22 гранд при трки досега се или одложени или откажани, а бројката може и да порасне наредните недели.
„За секоја пропуштена трка тимовите губат по 100 милиони евра“, вели Хелмут Марко од тимот на Ред Бул.
Први возачи кои направија кратење на нивните плати се Карлос Саинс и Ландо Норис од тимот на МекЛарен. Саинс заработува 2 милиони фунти, додека Норис 600 илјади. Тимот најави и дека ќе ја искористи помошта од британската Влада за плати на вработените кои се на придуден одмор.
Луис Хамилтон од Мерцедес, кој заработува 40 милиони фунти, се согласил на кратење на платата иако допрва двете страни ќе се договорат колкаво тоа ќе биде.
Во Ферари, Себастијан Фетел и Шарл Леклер истотака најавија кратење, потврдија од клубот. Фетел зема 35 милиони фунти, додека Леклер „само“ 8.
Доколку нема дополнителни одложувања, сезоната треба да почне со трката во Франција на 28 јуни.