Во приватна куќа во кичевското село Мамудовци, вчера две непознати маскирани лица извршиле разбојништво, при што биле одземени 63 златни пари, 360 швајцарски франци и друг разновиден златен накит, со што причинета е материјална штета од 30.000 евра, соопшти МВР.
Разбојништвото влегле во куќата, сопственост на Р.А.(75), со спреј-солзавец ја испрскале Р.А. по очите, а потоа физички ја нападнале.
Откако сторителите извршиле пребарување, ги пронашле и одзеле парите и останатите предмети, по што го напуштиле местото на настанот. На Р.А. и била укажана лекарска помош во Медицинскиот Центар-Кичево, каде и биле констатирани телесни повреди.
Увид извршиле Јавен Обвинител и увидна екипа од ПС-Кичево. Се преземаат мерки за пронаоѓање на сторителите како и целосно расчистување на кривичното дело.