Непознат сторител крадел велосипед од влез од зграда, а кога сопственикот го видел и му рекол да го остави велосипедот, крадецот извадил нож и му се заканил на сопственикот.
Крадецот влегол во влезот на улица „Кузман Јосифовски - Питу“ во скопската населба Аеродром, го исекол ланецот со кој бил врзан велосипедот и го изнел од влезот од зградата.
19-годишниот сопственик го видел како го краде велосипедот и му рекол да го остави оти ќе викне полиција.
Но крадецот извадил нож, му се заканил и побегнал со велосипедот. Се преземаат мерки за целосно расчистување на случајот.
