Разбојници провалиле во куќа во Тетово, ги врзале домаќините и украле пари, накит и возило во вредност од 9 милиони денари.
Според информациите на МВР, утрово околу 3:40 часот во СВР Тетово пријавено е дека во куќата, сопственост на лицето Р.И. (69) на улица Мирче Ацев, од страна на непознати лица извршено е кривично дело разбојништво.
Според првичните сознанија, околу 3 часот, додека домашните спиеле, од страна на непознати сторители кои носеле маски на главата со употреба на тврд предмет и физичка сила е влезено во куќата.
Кога крадците влегле во куќата, се разбудил сопственикот и кога излегол во ходникот, ги затекнал четирите лица со црни фантомки на главата со ракавици на рацете и двајца од нив ги удриле Р.И. и неговата сопруга М.И., а потоа им ги врзале рацете и почнале да извршуваат пребарување.
На првиот кат ги врзале и син му М.И. и снаа му Р.И. и нивните две малолетни деца и по пребарувањето, украле поголема количина разновиден златен накит, поголема количина женски и машки часовници, 10.000 евра, мобилни телефони и возило „ренџ ровер“, при што, според првичните процени, се стекнале со противправна имотна корист од над 9.000.000 денари.
СВР Тетово во содејство со Јавното обвинителство презема мерки за расчистување на случајот.