Тестото за пица е клучен дел од ова популарно италијанско јадење, но со мала помош на најдобрите готвачи и вие можете да го подготвите дома, за вашите најмили.
Ема Кристенсен, една од популарните уреднички на познатата страница The Kitchen, го открива главното правило за подготовка на домашно тесто за пица. Нејзиниот совет е што поедноставно, тоа подобро. Главни состојки за добро тесто за пица се брашно, квасец, сол и вода.
Според овој рецепт ќе добиете тесто доволно за една голема пица или две малечки, тестото може да го чувате во фолија три дена, па да го искористите за пица, ако го поделите на помали порции, можете да го замрзнете во фрижидер.
Доколку сакате веднаш да ја испечете пицата, сметајте дека тестото треба да расте еден час.
Состојки: 1 лажичка сув квасец, ¾ шолја топла вода, 2 шолји повеќенаменско брашно, лажичка и пол сол.
Подготовка:
Ставете вода во садот, додајте го квасецот и почекајте да се растопи. Потоа додајте брашно и сол и размесете го тестото. Најдобро е тоа да го направите со миксер, ќе трае околу 5 минути. Мешајте додека не добиете мазна и компактна маса. Ако тестото се лепи, пред да го развлечете на површината посипете брашно.