Адвокатска фирма во Њујорк покрена тужба против креаторите на видеоиграта Cyberpunk 2077, односно студиото CD Projekt Red, поради проблеми поврзани со видеоиграта и наводно кршење на федералниот закон.
Според соопштението до медиумите, адвокатската фирма Rosen поднесе тужба во која се бара отштета според федералниот закон. Тие тврдат дека CD Projekt Red намерно „дале лажни или погрешни изјави“ и дека „намерно го сокриле фактот дека е практично невозможно да се игра Cyberpunk 2077 на сегашната генерација Xbox и PlayStation системи, поради лошата оптимизација и големиот број багови“.
Како одговор на бројните проблеми и „нејасната комуникација“ што го обележаа излегувањето на оваа видеоигра, Sony ја отстрани Cyberpunk 2077 од PC продавницата, а потоа Sony, Microsoft и CD Project беа „принудени да им понудат враќање на средствата на сите купувачи“.
Во тужбата се тврди дека кога вистинските детали беа откриени на пазарот по излегувањето на видеоиграта, инвеститорите претрпеле штета.
Оваа вест доаѓа по претходниот извештај дека адвокатите и инвеститорите во Варшава, Полска, од каде е CD Project, ја „испитуваат ситуацијата“ и размислуваат дали ќе преземат нешто.