Русија не го анектира Крим, Полуостровот легално се придружи кон Русија, изјави денеска портпаролот на Кремљ, Дмитриј Песков, коментирајќи ја изјавата на американскиот претседател Џо Бајден „дека Вашингтон нема никогаш да го признае Крим како Русија“.
– Навистина е невозможно да се признае анексијата на Крим и никој не зборува за анексија на Крим, бидејќи такво нешто никогаш не се случило, истакна Песков, додавајќи дека „повторното обединување на Крим и Русија се случило со строго почитување на сите норми на меѓународното право.
Песков потсети дека кримско законодавно тело донело одлука во согласност со статусот на Крим, додека Полуостровот сѐ уште беше дел од терторијата на Украина.
Крим всушност и бил дел од Русија, но во 1954 година советската власт со декрет го префрлила од Руската ССР во Украинската ССР. По независноста на Украина во 1992 година Крим сакаше да прогласи независност што би се потврдило и на референдум, но Киев не дозволи такво нешто и дури и го отстрани кримскиот претседател Јуриј Мешков инсталирајќи свој човек, Анатолиј Франчук.