Кремљ денеска ги демантираше информациите на турските медиуми дека Асма ал Асад, сопруга на поранешниот сириски претседател Башар ал Асад, сака да се разведе и да ја напушти Русија.
Портпаролот на Кремљ, Дмитриј Песков, исто така ги отфрли извештаите на турските медиуми дека Асад бил затворен во Москва и дека му бил замрзнат имотот.
„Не, тие не кореспондираат со реалноста“, одговори тој на прашањето за време на конференциска врска дали наводите одговараат на реалноста.
Турските и арапските медиуми вчера објавија дека Асма ал Асад, која е родена во Британија, поднела барање за развод во Русија, каде семејството Асад доби азил овој месец, откако бунтовниците ја презедоа контролата врз Дамаск.
