Крис Еванс не е шокиран од сите оние кои го критикуваат неговиот филм „Lightyear“ инспириран од франшизата „Toy Story“, кој прикажува сцена од бакнеж меѓу два женски лика, бидејќи „овие луѓе се идиоти“.
Актерот тоа го коментираше за време на интервју за Reuters како дел од промоцијата на претстојниот филм на Disney-Pixar.
„Вистинската вистина е дека овие луѓе се идиоти. Секогаш ќе има луѓе кои се плашат и кои се неосвестении ќе се трудат да го задржат она што било порано. Но, овие луѓе изумираат како диносауруси“, рече Еванс.
Актерот потоа додаде дека не треба да им обрнуваме внимание, туку дека треба да „одиме напред и да го прифатиме растот што нè прави луѓе“.
Критичарите се повикуваат на стар аргумент: вклучувањето на бакнеж меѓу ликови од ист пол е план за да се влијае врз малите деца. Поддржувачите тврдат дека тоа само прикажува цела низа луѓе какви што се. На крајот на краиштата, истополовите бракови се легални и присутни во САД.
Сепак, филмот наиде на проблеми на меѓународните пазари, а Variety известува дека сцената со лезбејски бакнеж ќе биде отстранета од филмот во некои азиски земји, вклучувајќи ги Саудиска Арабија, Кувајт и Обединетите Арапски Емирати.
„Американската приказна, човечката приказна, е за постојано општествено будење и раст, и тоа е она што нè прави добри“, рече Еванс.
