Британецот Крис Фрум во пресрет на последната етапа речиси ја обезбеди титулата на 104-то издание на најпрестижната велосипедска трка во светот Tour de France.
Фрум на претпоследната етапа ја декласира конкуренцијата, Ригоберто Уран и Роман Барде. Британецот хронометарот од во должина од 22,5 километри го заврши со шест секунди послабо време од победникот Мачеј Боднар, но неговите конкуренти останаа без здив. Барде заостана за 23, а Уран за дури 29 секунди.
Во пресрет на последната 21 етапа, која секогаш преставува само формалност Фрум има 54 секунди во однос на Уран.