Објавена е нова фотографија од Кристен Стјуарт како принцезата Дијана во филмот „Spencer“.
Актерката позира во карирано сако во стилот на 80-тите, многу слично на она што Лејди Ди го носеше на еден од официјалните приеми.
На раката носи имитација на славниот веренички прстен на Дијана со дијаманти и сафир, а кој го наследи принцот Вилијам по нејзината смрт. Со овој прстен принцот ја запроси сопругата Кејт Мидлтон, која неколку пати го носеше во јавност.
Сепак, фотографијата на Кристен наиде на претежно негативни коментари бидејќи луѓето сметаат дека актерката воопшто не личи на обожаваната принцеза.
„Воопшто не личи на неа. Само што има руса перика или се офарбала руса“, гласи еден од коментарите.
„О, Боже. Филмот нека се вика ‘Чудната Дијана’“, вели друг фан на социјалните мрежи.
„Ужасна актерка е, има само еден израз на лицето, зошто баш таа да ја игра принцезата?“, „Ова ќе биде многу лошо", продолжуваат негативните коментари.
Многумина исто така забележаа дека репликата на вереничкиот прстен е слабо изработена.
„Ако не можете да го направите прстенот како што треба – најпознатиот венички прстен - зошто воопшто да се мачите?“, „Не е тој прстен“, „Оддел за костимографија: Не успеавме да го направиме баш тој прстен, ама и овој ќе заврши работа“, коментираат обожавателите на Дијана.
Снимањето на филмот се одвива во Велика Британија и Германија, а се очекува да биде готов до крајот на оваа година. Се претпоставува дека филмот нема да биде прикажан премиерно до 2022 година, односно на 25-годишнината од смртта на принцезата Дајана.
Режисер на филмот е Пабло Лареин, а сценариото го напиша Стивен Најт, творецот на популарната серија „Peaky Blinders“.
