Кристијан Бејл во интервју за GQ, објаснува како својата успешна филмска кариера му ја должи на Леонардо Дикаприо.
Имено, според неговите кажувања, неговата кариера тој ја изградил на улоги коишто Дикаприо ги одбивал, бидејќи режисерите редовно прво оделе кај него, а потоа кај сите други глумци.
„Со мене не е исто… Видете, денес е, но требаше да мине некое време. Секоја улога што ја добива одреден глумец, како да е улога што Дикаприо ја одбил. Нема врска со тоа колку си добар со режисерот, секоја улога којашто јас ја толкував, му беше понудена и нему“, рече Бејл.
А, имало и повеќе други луѓе кои на Бејл му го кажале истото.
„Значи, ти благодарам, Лео! Тој буквално може да избере што да работи. И тоа е добро за него, тој е одличен. Јас сум благодарен што добивам каква било улога и свесен сум дека не можам да се однесувам како што тој глуми. Не би можел ниту да живеам со славата со којашто тој живее, а го прави тоа на одличен начин, додаде оскаровецот од филмот „The Fighter“ кој се прослави и со улогата во „American Psycho“, а беше и Бетмен во „Batman Begins“, „The Dark Knight“ и „The Dark Knight Rises“, како и Џон Конор во „Terminator Salvation“.
Бејл годинава е актуелен со филмовите „Amsterdam“ и „Thor: Love and Thunder“.