Популарниот актер Кристијан Бејл е препознатлив по многу улоги, но стана култен по улогата на Бетмен во „Dark Knight“ трилогијата на Кристофер Нолан. Сепак, тој нема совршена кариера и вели дека за една од улогите се кае до денеска.
Актерот се најде во улогата на Џон Конор во четвртото продолжение од франшизата „Terminator“, но токму таа улога го прогонува и до ден денес.
Тој вели дека неколкупати ја одбил улогата пред конечно да ја прифати од инает према луѓето кои го убедувале да не се појавува во овој филмски проект. На крајот тој се појави во филмот во главната улога, а „Terminator: Salvation“ беше критички и финансиски неуспех.
„Трипати ги одбив. Сметав дека филмот, па и франшизата, нема приказна и не оди никаде. Но, откако многу луѓе почнаа да ме убедуваат дека тоа би било нелогичен потег за мојата кариера и дека не треба да ја прифаќам работата, решив од инает да им покажам дека не ми треба нивната помош за да се решам во кој филм ќе се појавам“, рече Бејл во интервју за MTV.
Актерот вели дека филмот бил „жртва на несреќни настани“, најмногу причинети од штрајкот на сценаристите во Холивуд во 2008 година, што го натерало Џонатан Нолан („Westworld“, „Dark Knight“) да се откаже од проектот.
„Terminator: Salvation“ стана познат по тоа што Кристијан Бејл на снимањето му се развика на еден од работниците на филмот, по што доби имиџ на арогантен и препотентен актер со кој тешко се излегува на крај.
Сепак, Бејл вели дека таа случка е сега зад него и тој ја смета како „поука“ за понатаму во животот.