Garena Free Fire најави глобална соработка со славниот португалски фудбалер Кристијано Роналдо, а новиот лик основан според него веројатно ќе биде претставен на 19 декември.
Роналдо ќе биде лик во Free Fire, со цел универзум изграден околу него. Garena Free Fire е акционо-авантуристичка мобилна игра, развиена од 111 Dots Studio. Истата стана најмногу преземана мобилна игра на глобално ниво во 2019 година, а доби и награда за „Најдобра популарна игра“ од Google Play во 2019 година.
Free Fire постави и рекорд со над 80 милиони активни корисници дневно ширум светот, а од ноември 2019 година Free Fire заработи над милијарда долари низ светот.
Играта е бесплатна на Play Store и на Apple Store.
„Ова е навистина значајно партнерство за Free Fire. Многумина се угледуваат на Кристијано Роналдо како добар пример и можноста за соработка и негова презентација пред стотици милиони луѓе во светот е навистина фасцинантна“, вели Харолд Тео, продуцент во Garena.
Кристијано ќе биде дел од операцијата Chrono, а неговиот лик веројатно ќе се појави на 19 декември.
