Славниот португалски фудбалер Кристијано Роналдо е ослободен од обвинувањето за силување поднесено од Кетрин Мајорга за настани од 2009 година.
Судот во САД ја отфрли и втората тужба на Мајорга против Роналдо, откако првата беше отфрлена во 2018 година. Затоа, Кетрин покрена приватна тужба и наведе дека доживеала сексуален напад од Роналдо, во хотел во Лас Вегас во 2009 година.
Но, судот во Невада и судијката Џенифер Дорси ја отфрлија тужбата.
Роналдо од самиот старт ги негираше обвинувањата, а со Мајорга се спогоди и исплати паричен износ од 375.000 долари. Но, потоа таа бараше повеќе милионска сума тврдејќи дека има емоционална траума, односно во првиот момент била под притисок да ја прифати понудата на Роналдо.
Судијката ја отфрли тужбата бидејќи, како што стои во извештајот, примила неповерливи информации и документи. Дорси наведе дека адвокатот Лесли Стовал го злоупотребил и заобиколил правниот процес за парница.
Пресудено е дека Мајорга ја губи приликата да продолжи со случајот, така што Роналдо е ослободен од обвинувањата.
