Критиките ја тераат НБА на промени: Баскет 1-на-1 од наредниот Ол-стар

НБА размислува да ја прошири својата Ол-стар програма, па од следната сезона би можеле да гледаме и натпревар во баскет ио тоа 1-на-1 за време на познатиот кошаркарски настан, јавуваат американските медиуми.

Имено, како што интересот за Ол-стар настанот се намалува од година во година, комесарот на лигата, Адам Силвер, размислува да воведе новини за следниот НБА спектакл со цел да ја врати довербата кај навивачите.

Поради сомнителниот формат, целокупната долга програма и недостигот на квалитетен материјал, оваа организација на Ол-стар настанот во Сан Франциско исто така претрпе сериозни критики, па Силвер практично е принуден на овој потег, а целиот концепт ќе се базира на примерот на Unrivaled лигата која годинава со голем успех организираше турнир 1-на-1.

Победник на натпреварот, инаку, беше кошаркарката на ВНБА, Нафеса Колиер, која покрај убавото признание си понесе и чек од 200.000 долари, иако наградите за НБА лигата, секако, беа многу повисоки. 

Оваа идеја, инаку, со години кружи во НБА. И, тоа го започнаа навивачите. Нема сомнение дека љубителите на играта би сакале да ги видат најдобрите кошаркари во светот во „поприродна“ верзија, па, кој знае. Можеби НБА ќе им ја исполни желбата. Засега нема прецизни информации за наградите, но повремено се споменува награда од милион долари за победникот.

„Би сакал да играм таков турнир. Ако имам шанса да играм со некој 1-на-1, би бил среќен поради тоа. Ние играчите треба да направиме се за да го направиме Ол-стар викендот поинтересен. И за навивачите, но и за кошаркарите. Би бил среќен да бидам дел од тоа“, ја коментираше оваа идеја Јанис Адетокунбо.