СВР Битола поднесе кривична пријава против четири лица на возраст од 16 до 17 години и тоа три лица од Битола и едно лице од Демир Хисар, поради постоење основи на сомнение за сторено кривично дело „предизвикување општа опасност“.
На 7 март околу 3 часот пријавените, откако изработиле четири „молотови коктели“, се упатиле кон Националната установа „Музеј на албанската азбука“. Кога пристигнале, запалиле дел од нив со цел да го опожарат објектот.
СВР Битола, по преземените мерки и активности, обезбеди повеќе материјални докази кои укажуваат дека пријавените се извршители на кривичното дело.