Скопската полиција поднесе кривична пријава против Б.А.(20) од Скопје поради сомнение дека сторил кривично дело „тешка кражба“ со што се стекнал со противправна имотна корист од околу 201.000 денари и причинил материјална штета во висина од околу 10.000 денари.
Како што информираат од МВР, кривичното дело пријавениот го извршил на тој начин што откако дошол до Ординацијата за протетика „МАК ДЕНТАЛ“ на улица „Христо Татарчев“ со употреба на физичка сила и погоден алат, делувал помеѓу крилото и рамот на влезната врата по што ја отворил, влегол внатре, направил претурање и пребарување по работните маси, каде пронашол и украл една печка за печење порцелан за заби, како и разни шишенца со медицински прашоци по што го напуштил местото на настанот.
Сторителот, украдените предмети им ги продал на непознати лица на Бит Пазар и парите добиени од продажбата ги користел за свои потреби.