Скопје, 4 декември 2018 (МИА) – Кривичниот совет на Основниот суд 1 денеска одлучува по жалбата за притвор на обвинетиот Сашо Мијалков, за предметот „Империја“ на Специјалното јавно обвинителство.
Во неделата, судијата Весна Димишкова му одреди 30-дневен притвор за „Империја“, а му го укина за предметот „Таргет-Тврдина“.
Екс-директорот на УБК, Мијалков е во притвор од 20 ноември.
За „Империја“ триесетдневен притвор добија и Орце Камчев, Ненад Јосифовиќ, Зорица Арсовска, Цветан Панделевски и Тодор Мирчевски.