По поднесувањeтo на обвиненијата и барањата за притвор кои го достави СЈО, треба да одлучуваат два кривични совета во Основниот суд Скопје 1: Oд Одделот за кривични дела за полнолетни, и од Одделот за организиран криминал.
Членот 322 од Законот за кривична постапка пишува: „Ако во обвинителниот акт е ставен предлог против осомничениот да се определи притвор, или претходно определениот притвор да се продолжи или осомничениот да се пушти на слобода, или да се определи некоја мерка за обезбедување присуство, за тоа одлучува советот од членот 25 став (5) на овој закон веднаш, а најдоцна во рок од 24 часа“.
Обвинетите за кои ќе падне одлука за мерка притвор, ќе мора веднаш да бидат спроведени во Шутка, зашто жалбата не го одлага извршувањето на мерката. Притворените може да се жалат пред надлежниот Апелационен суд во Скопје.