Венецуела ги поседува најголемите резерви на нафта во светот, но се соочува со досега невидена криза за гориво поради недостигот на горива на бензинските станици.
Владата за тоа ги обвинува меѓународните санкции. Но, ова е само најновата епизода во економскиот колапс во земјата поради кој милиони емигрираат, а меѓународните тела, како ОН, велат дека станува збор за најлошата хуманитарна криза во земја што не е во воен конфликт.
Венецуелскиот претседател Николас Мадуро во февруари контроверзно изјави дека верува оти коронавирусот е направен како биолошко оружје против Кина.
До средината на март, во Венецуела немаше ниту еден случај на заразени со COVID-19, а сега пандемијата стигна и таму и само се надоврза на општата криза во земјата.
Кризата за гориво е толку акутна, што погребните претпријатија не можат да најдат гориво за да ги транспортираат телата до гробиштата.
Според најновите податоци, во Венецуела се регистрирани 1.662 случаи на заразени со COVID-19, 302 оздравени пациенти и 17 смртни случаи.