Специјалитет на кој нема да можете да му одолеете, а одличен е за секоја прилика. Најдобриот начин да подготвите кромид е да го наполните со жолчки и бешамел.
Кромидот може да се јаде сиров или динстан, а освен што го подобрува вкусот на секое јадење, има и доста предности за организмот. Воглавно се состои од вода, но содржи и ензими, протеини, јаглени хидрати... Ја нормализира цревната флора, помага при метаболичките функции и го чисти организмот од токсини. Ако сакате да го јадете сигурни сме дека овој рецепт ќе ви се допадне, бидејќи се подготвува поинаку. Кромидот наполнете го со жолчки, кашкавал и бешамел сос, па послужете го со леб. Одличен предлог е и како предјадење за празничната трпеза.
Потребни состојки:
- 6 парчиња кромид
- путер
- 2 лажици брашно
- 150 мл бело вино
- 6 жолчки
- 200 мл млеко
- 100 гр пармезан
- сол
Подготовка:
Во тавче ставете доволно сол, убаво да го обложи дното, па наредете ги главиците кромид. Печете на 180°C околу 50 минути. Со нож исечете го врвот на секоја главица, па извадете им ја средината (кромидот не го вадете од тавчето). Исечете го и пропржете го некои половина час на растопен путер. Зачинете по желба. Додадете лажица брашно и вино, промешајте и гответе уште 10 минути. Потоа наполнете го кромидот со пропржената средина, па во секој ставете и жолчки. На путер пропржете лажица брашно, па сипајте млеко и пармезан. Гответе додека не се згусне, со непрестајно мешање. Сипајте над жолчките. Посипете со пармезан и вратете во рерна на уште 10 минути.
