Атлетичарка од Белорусија стана најголемата атракција на годинешното Европско првенство во Берлин и тоа не само поради освоеното злато.
Вољга Мазуронак е новата хероина на атлетиката откако помина низ вистинска голгота за да го освои златото во Берлин.
Белоруската атлетичарка го освои петтото место на Олимписките игри во Рио де Жанеиро и дојде на Европското првенство како една од најсериозните кандидатки за првото место.
Трката ја почна добро, беше во водечката група натпреварувачки, но по половина час од трката почна да ѝ тече крв од нос.
Вољга одлучно продолжи да трча, иако лицето ѝ беше облеано во крв, и успеа да одржи темпо со водечката група.
На еден од пунктовите покрај стазата доби сунѓер со кој го запре крварењето и ги избриша крвавото лице и рацете.
Во последната делница влезе прва, пред Французинката Клеменс Клавин.
Но, проблемите за Белорусинката не завршија тука.
Пред завршницата Вољга ја промаши стазата, со што ѝ дозволи на Клеменс да ја стигне и во последните стотина метри беа речиси изедначени, но со челична волја Вољга ги извлече последните атоми сила од телото и успеа да го освои златото.