Кубанските лекари пристигнаа во Италија како помош за коронавирусот

Кубанската влада испрати делегација од 37 доктори и 15 медицински сестри како поддршка на италијанскиот здравствен систем кој е во целосен колапс од пандемијата на COVID-19. Здравствените работници пристигнаа во Ломбардија, регионот кој е најмногу погоден во Италија.

Од 1959 година Куба почна да испраќа доктори на места погодени од катастрофи ширум светот, најмногу во сиромашни земји. Нивните доктори беа на првата борбена линија против колерата на Хаити и против еболата во западна Африка.

Ова е првпат да испрати делегација за итна помош во катастрофата што ја снајде Италија, една од најбогатите европски земји. Тоа е шестата медицинска бригада што Куба ја испрати во изминатите денови против ширењето на новата болест што го погоди светот.