Кучето-робот Спот, на американска компанија за дизајн, инженерство и роботика Boston Dynamics, веројатно е од огромна помош кога станува збор за водење овци на пасиште.
На видео, објавено од софтверската компанија Rocos, се прикажува како Спот ја извршува својата работа низ пасиштата на Нов Зеланд.
Роботите, како Спот од Boston Dynamics, ја зголемуваат точноста на проценките на приносот, го ублажуваат стресот при недостиг на работна сила и покажуваат прецизност во земјоделството, наведува Rocos.
Видеото го прикажува Спот во различни ситуации: како се шета низ овоштарник, се движи на тежок терен, на пример карпести ридови, да премине дрвен мост и на крајот да носи овци на пасиште. Тоа го постигнува со помош на неговите инфрацрвени камери, технологија на мапирање во реално време и напредни сензори.
Rocos истакна дека компанијата има во план да создаде компјутеризиран систем, кој би можел да контролира многу работи од далечина, со цел да им овозможат на роботите да работат независно еден од друг, ослободувајќи време за луѓето кои имааат големи фарми.
„Овчарските роботи“ не се целосно нови. Во 2013 година, истражувачи за роботика од Сиднеј, тестирале ровер кој успешно водел говеда од пасиште до блиска млекара.
