Швеѓанецот решил да ја прифати понудата од Јувентус и да го одбие Интер само поради начинот на игра по кој се разликуваат двата гиганта.
Во интервју за La Gazzetta dello Sport младиот шведски репрезентативец одговараше на многу прашања, а беше запрашан и дали помеѓу Интер и Јуве го одбрал тимот на Маурицио Сари само поради тактиката.
„Токму така. Со Конте движењата на теренот со поинакви во тактичка смисла и јас се двоумев поради тоа. Сари беше пријатен, направи да се чувствувам добро. Го знаев неговиот тим во Челси и начинот на кој играше. Тоа е уште една причина поради која го одбрав Јувентус“, вели Кулушевски.
Потоа Дејан потпиша и договор со „Старата Дама“, па го раскажа првиот ден кога дошол на „Алијанц“ стадионот во Торино.
„Колку само возбудлив ден беше тогаш на стадионот, уникатна атмосфера. Роналдо ми рече 'Добредојде Дејан, како си?', а Буфон и Кјелини беа исто така пријатни со мене. Тоа беше неверојатна радост за дете кое само на ТВ ги имаше гледано“, раскажува тој.
Натурализираниот Швеѓанец, кој всушност е Македонец кој упорно ги одбиваше повиците на селекторот Игор Ангеловски за да игра за Македонија, вели дека не со Кристијано Роналдо, туку со Пауло Дибала едвај чека да заигра на теренот во црно-белиот дрес.
„Едвај чекам да се поврзам со Дибала и неговата магична лева нога. Во секој случај, сега знам како да играм на повеќе поизиции и планирам да да си обезбедам место и во Торино“.
Пред Кулушевски да ја почне авантурата во Јуве, ќе треба прво да ја заврши својата обврска во Парма каде е на позајмица до крајот на сезоната.