Тренерот на Барселона, Роналд Куман, по натпреварот од 37. коло во Ла Лига со Селта (1:2), зборуваше за иднината на Лионел Меси во каталонскиот клуб.
– Се надеваме дека ова не беше последен натпревар на Меси. Тој е сè уште најдобриот играч на светот. Постигна 30 погодоци во една сезона. Се надеваме дека Меси ќе остане со нас. Се сомневам дека ќе има некој што ќе може да постигне толку многу, изјави Куман за AS.
Договорот на 33-годишниот Аргентинец со Барселона истекува претстојново лето. Барселона веќе ги загуби шансите за шампионска титула.
