Куп жрепка: Вардар ја доби Брера, Струга против Шкендија

Попладнево во Куќата на фудбалот со жрепка беа одредени полуфиналните двојки во Купот на Македонија.

Фортуната одлучи во првото полуфинале да се пресметаат актуелниот прволигашки шампион Струга и сегашниот лидер на прволигашката табела, Шкендија.

Во второто полуфинале се паднаа двата т.н. аутсајдери во Купот, скопски Вардар и Брера Струмица.

За разликата од останатите фази во Купот, во полуфиналето се играат два натпревара, односно дома и гости. Првите натпревари се закажани за 9 април, додека реваншите се закажани за 23 април.

Струга последен пат играше финале во 2023 година кога загуби од Македонија ЃП на пенали, на Брера Струмица последно финале ѝ беше во 2021 како Академија Пандев кога загуби од Силекс исто така на пенали, додека Шкендија последен пат играше финале во 2018 кога го освои Купот победувајќи го Пелистер со 3:0.

Вардар најмногу чека за финале, дури од 2007 кога со победата од 2:1 над прилепска Победа го освои петтиот куп пехар.