Патувањето на 31-годишниот Стивен Робертс од Велика Британија поминало многу поскапо од она што тој првично го планирал.
Овој човек сакал да оди на одмор во Костарика, Роберт резервирал авионска карта до Сан Хозе, главниот град на оваа држава.
Сепак, тој по грешка купил карта за Сан Хозе во Калифорнија, а тоа го сфатил дури по слетувањето, кога негов пријател, кој го испратил од аеродромот Гетвик во Лондон, го прашал до каде стигнал.
Картата до Сан Хозе во Костарика го чинела Робертс дополнителни 1.135 евра, а Independent пренесува дека ова не е прв таков случај.
Еден пар кој планирал да го посети Лас Вегас, минатата година по грешка резервирал авионски карти за град со исто име во Бирмингем во Алабама.
Дополнителните карти овој пар го чинеле дури 2.300 евра.
Туристка која во 2008 година сакала да го посети Сиднеј, на ист начин завршила во мал рударски град во Канада.
