Дамаск, 28 октомври 2019 (МИА) – Курдската милиција во Сирија, Единиците за народна заштита, денеска соопшти дека во заедничка акција на американските и силите предводени од Курдите на северот на Сирија бил убиен и портпаролот на лидерот на Исламската држава, Абул-Хасан ал-Мухажир.
Ал-Мухажир, наведуваат Курдите, му бил десна рака на лидерот на Исламска држава Абу Бакр ал-Багдади, пренесоа британските медиуми.
Сириските демократски сили наведуваат дека целта ја гаѓале во близина на пограничното место Жараблус и тоа врз основа на разузнавачки податоци на СДФ и американската војска.
Командантот на СДФ Мазлум Абди изјави дека станува збор за „продолжување на претходната операција“ во која беше убиен лидерот на екстремистичката Исламска држава.
Абди портпаролот ал-Мухажир го нарече „десната рака“ на лидерот ал-Багдади.
