Голманот на Челзи Тибо Куртоа, за кого активно се шпекулира дека сака да премине во Реал Мадрид, вчера не се појави на тренинг со соиграчите во клубот од Премиерлигата.
Куртоа, кој беше прогласен за најдобар голман на Светското првенство во Русија како дел од репрезентацијата на Белгија, игра за „Сините“ од 2011 година, откако се префрли од белгискиот клуб Генк и беше позајмен на Атлетико Мадрид.
Управата на Челзи наводно не знае кога ќе се врати 26-годишниот голман на тренинзи.
Неговиот соиграч Еден Азар, за кого исто така се шпекулира дека сака да потпише за реал, вчера се појави на тренингот.
Куртоа има одиграно 154 натпревари за Челзи.
Новиот менаџер на „Сините“ Маурицио Сари изјави дека не е сигурен дали Куртоа ќе остане.
„Засега Куртоа е голман на Чели. Не знам за во иднина. Зависи од клубот, зависи најмногу од него, но се надевам дека ќе продолжи да биде наш голман.“