Култниот американски режисер Квентин Тарантино доби второ дете со 20 години помладата сопруга, пејачката Даниела Пик, која во саботата роди девојче.
„Даниела и Квентин Тарантино со задоволство соопштуваат дека на 2 јули 2022 година, Даниела го роди нивното девојче Леа, нивното прво дете“, изјави претставник на парот за People во понеделникот.
Во февруари се појави веста дека 59-годишниот Тарантино чека второ дете со 38-годишната пејачка.
Покрај новороденото девојче, парот го има и двегодишниот Лео, кој се роди во февруари 2020 година.
Режисерот во шоуто на Џими Кимел откри како го избрале името за детето.
„Луѓето претпоставуваат дека му го дадов името по Леонардо Дикаприо“, објасни режисерот за време на неговото појавување на Jimmy Kimmel Live! во јуни 2021 година
„Нема ништо лошо во тоа, но не беше така. Името го доби по едниот дедо на сопругата и бидејќи во нашите срца беше нашиот мал лав“, објасни тој.
Даниела Пик е ќерка на израелската пејачка и текстописец Цвика Пик, а парот се запозна во 2009 година кога режисерот го претстави „Неславни копилиња“ во Израел. Тие се верија во 2017 година, а се венчаа во ноември 2018 година во Лос Анџелес.
