Мегапопуларната серија во 2017 година беше прикажувана само на шпанската телевизија Antena 3 поради слабата гледаност, но сè се смени кога почна да се емитува на Netflix.
Франшизата сега има публика во секој дел од светот, а обожавателите чекаа официјална потврда дека ќе се снимаат петта и шеста сезона. Според шпанскиот интернет портал Marca, потврдено е дека ќе се снимаат уште две сезони на „La Casa de Papel“.
Креаторот на серијата, Алекс Пина потврди дека новите епизоди ќе излезат до април наредната година, а шестата сезона до крајот на 2021.
По завршувањето на 4. сезона фановите развиваат свои теории, а една од најпознатите е дека најомразениот лик – Артуро ќе биде во главната улога во петтата сезона, а Токио ќе биде единствена која ќе преживее.
Серијата продолжува да добива позитивни критики поради софистицираниот заплет, драмата, режијата. „La Casa de Papel“ доживеа огромен успех.
