Авто новости

La Voiture Noir е најскапиот автомобил во светот

15. март 2019 - 11:07 | Б.С.Б.

На Саемот во Женева Bugatti  го претстави најскапиот автомобил на сите времиња. Станува збор за хиперавтомобил кој по цената веројатно го надминува и најскапиот личен автомобил во светот.

Станува збор за La Voiture Noir кој може да се преведе како Црн автомобил и доаѓа со основна цена од 12.5 милиони долари. Во основата е сличен на Chiron што значи дека станува збор за 8-литарски 16-цилиндрен мотор со четири турбополначи кои создаваат солидни 1.500 коњски сили. Не е познато дали може да се движи побрзо од Chiron, кој е лимитиран на 420 километри на час, но најверојатно не е побавен од него.

Станува збор за уникатен автомобил што значи дека може да го купи само еден човелк. Изграден е во чест на легендарниот Type 57 Atlantic од 1936 година и по дизајнот  малку потсетува на него. Bugatti потврди дека автомобилот е веќе продаден за 16.5 милиони долари. Идентитетот на купувачот не е соопштен, но станува збор за голем обожавател на Bugatti.

Коментирај