Рим, 16 мај 2019 (МИА) – Фудбалерите на Лацио се победници во Копа Италија, откако синоќа во финалето на „Олимпискиот стадион“ во Рим ја победија Аталанта со 2:0.
Римските „светло-сини“ чекаа до доцна во натпреварот за да го отворат резултатот, но сигурната игра во одбрана им дозволи да бидат во контрола во низ текот на 90 минути.
Стрелци на головите во последните десет минути беа Сергеј Милинковиќ-Савиќ (82. минута) и Хоакин Кореа (90).
За „лацијалите“ ова е седми трофеј во италијанскиот куп.