Римјаните славе на гостувањето кај Торино, додека Јувентус победи кај Горан Пандев со што разликата помеѓу првите две екипи во Калчото остана иста.
Натпреварот на „Олимпико ди Гранде Торино“ почна лошо за Лацио бидејќи по само 4 минути игра најдобриот стрелец Чиро Имобиле играше со рака во шестнаесетникот и му подари пенал на Торино. Андреа Белоти успешно погоди од белата точка.
„Бјанкочелестите“ сепак после паузата направија целосен пресврт. Прво Имобиле се изваде за пеналот израмнувајќи на 1:1, а на 18 минути до крајот Марко Пароло го постигна победоносниот гол со што Лацио го задржа чекорот со водечкиот Јуве.
На „Мараси“ во Џенова домашната екипа без Горан пандев во стартниот состав го пречека лидерот и 45 минути успешно му парираше. Но, пет минути во вториот дел Пауло Дибала ја нанижа домашната одбрана, а набрзо и Кристијано Роналдо се запиша во листата на стрелци.
Во 73. минута Доуглас Коста ја запечати победата на „Старата дама“, а три минути подоцна Андреа Пинамонти постигна почесен гол за Џеноа. Само минута подоцна нашиот Пандев влезе во игра.
По ова 29. коло, кое ќе биде комплетирано денес и утре, останува разликата од 4 бода помеѓу водечките Јувентус и Лацио. Јуве има 72, додека Лацио 68 бодови. Торино е 14-ти со 31 бод, додека Џеноа е 17-та со 26.
