Лацио и Лајпциг синоќа обезбедија европска пролет додека извиси Мначестер Јунајтед. Јувентус ја среди Барса среде „Камп Ноу“, а натпреварот во Париз беше прекинат.
Челси не успеа да ги израдува гледачите присутни на „Стемфорд Бриџ“ кои прв пат сезонава имаа можност во живо да следат натпревар од Лигата на шампиони. Русите поведоа, иако водството траеше кратко, но „Сините“ до крајот не успеаја да постигнта гол за победа.
Челси - Краснодар 1:1
28' (п) Жоржињо - 24' Реми Кабежа
Севиља триумфално мина низ Рен со што со победа ја затвори групната фаза. Без разлика на резулттаот од Лондон, Севиља секако заврпуваше втора поради послаб меѓусебен скор против Челси.
Рен - Севиља 1:3
86' Жоржинио Рутер - 32' Жил Кунде, 45'+3, 81' Јусеф Ен Несири
Табела:
- Челси 14
- Севиља 13
- Краснодар 5
- Рен 1
На „Олимпико“ во Рим се одвиваше битка за месро во осминафиналето. На Лацио му одговараше и реми, додела белгиски Бриж одеше на победа, победа која не успеа да ја оствари.
Лацио - Бриж 2:2
12' Хоакин Кореа, 27' (п) Чиро Имобиле - 15' Руд Вормер, 76' Ханс Ванакен
Црвен картон: 39' Ердуард Собол (Б)
Борусија со победа во студениот Санкт-Петербург со пресврт го завери првото место во групата и во осминафиналта жрепка ќе добие условно кажано послаб противник.
Зенит - Борусија (Д) 1:2
16' Себастијан Дриуси - 68' Лукаш Пишчек, 78' Аксел Вицел
Табела:
- Борусија (Д) 13
- Лацио 10
- Бриж 8
- Зенит 1
„Старата дама“ ја оствари невозможната мисија и не само што триумфираше среде Барселона, туку тоа го направи со три голови разлика, доволно за да ги надокнати оние 0:2 од Торино и да го преземе првото место во групата.
Барселона - Јувентус 0:3
13' (п), 52' Кристијано Роналдо, 20' Вестон МекКени
Битката за третото место и европска пролет преку Лига Европа ја доби киевски Динамо благодарение на голот на Попов по тчно еден час игра. Унгарскиот претставник сепак и со самиот пласман во Лигата на шампиони направи успех.
Динамо (К) - Ференцварош 1:0
60' Денис Попов
Табела:
- Јувентус 15
- Барселона 15
- Динамо 4
- Ференцварош 1
Тимот на Оле Гунар Солскјер потфрли во можеби најважниот натпревар сезонава. Уште по 13 минути игра Лајпциг водеше со 2:0, во вториот дел постигна и трет гол, а Манчестер Јунајтед со два гола во полседните десетина минути го направи крајот неизвесен. Сепак, Лајпциг победи и патува во осминафиналето, додека Манчестер Јунајтед без разлика на исходот од натпреварот на ПСЖ ќе оди во Лига Европа поради посаб меѓусебен скор.
Лајпциг - Манчестер Јунајтед 3:2
2' Анхелино, 13' Амаду Хаидара, 69' Џастин Клајверт - 80' (п) Бруну Фернандеш, 82' (аг) Ибрахима Конате
Само 14 минути траеше натпреварот по Париз помеѓу францускиот и турскиот шампион. Поради недоразбирање за наводен расизам одстрана на четвртиот судија, фудбалерите се повлекоа од теренот, а УЕФА одлучи натпреварот да се доигра денес.
ПСЖ - Башакшехир прекинат
Табела:
- Лајпциг 12
- ПСЖ 9
- Манчестер Јунајтед 9
- Башакшехир 3