Зрачењето од ламбите за сушење гел нокти може да ја оштети ДНК и да предизвика мутации во човечките клетки кои предизвикуваат рак.
Некои дерматолози велат дека наодите во студијата објавена на 17 јануари во списанието Nature Communications не се нови кога станува збор за загриженоста за ултравиолетова или УВ светлина од кој било извор. Резултатите ја потврдуваат причината зошто некои козметички салони го промениле начинот на кој прават маникир со гел или целосно престанале да ги прават.
„Овие наоди се додаваат на веќе објавените податоци за штетните ефекти на (ултравиолетовото) зрачење и покажуваат директна клеточна смрт и оштетување на ткивото што може да доведе до рак на кожата“, рече д-р Џулија Кертис, доцент на Универзитетот во Јута.
Ултравиолетовата светлина „А“ продира подлабоко во кожата и најчесто се користи во УВ ламбите за нокти, кои станаа популарни во изминатата деценија. Солариумите користат 280 до 400 нанометри, додека спектарот што се користи во сушарите за нокти е од 340 до 395 нанометри.
Меѓутоа, ако не сакате да се откажете од маникирот со гел, постојат некои мерки на претпазливост што можете да ги преземете за да ги намалите ризиците. За почеток, нанесете крема за сончање со широк спектар што содржи цинк на вашите раце и носете ракавици со отсечени врвови на прстите кога е време да ги средите ноктите.
